اشفاق آذر
اشفاق آذر: ليکڪ، شاعر ۽ صحافي اشفاق آذر جو اصل نالو اشفاق احمد انڙ آهي. هي شڪارپور ۾ عبدالحڪيم انڙ جي گهر 2 مئي 1972ع تي ڄائو. ابتدائي تعليم شڪارپور مان حاصل ڪرڻ کانپوءِ سنڌ يونيورسٽيءَ مان ماسٽرس (ماس ڪميونيڪيشن) جي ڊگري حاصل ڪري صحافت شروع ڪئي. سندس مضمون ۽ ڪالم سنڌي ادبي رسالن ۽ اخبارن ۾ ڇپجندا رهن ٿا. هي ليکڪ ۽ صحافي هجڻ سان گڏ بهترين شاعر به آهي. هن شاعريءَ ۾، غزل، نظم، وائي، گيت، ٽيڙو، چوسٽا، ترائيل ۽ سانيٽ وغيره جهڙين صنفن تي طبع آزمائي ڪئي آهي. هن روزاني ’ڪاوش‘ ۾ سب ايڊيٽر طور پڻ ڪم ڪيو. هن وقت ٽائيم نيوز ٽي وي تي نيوز ۽ ڪرنٽ افيئرس جو ڊائريڪٽر آهي. سندس شاعريءَ جو ڪتاب ” عشق ڄڻ ڪو سگهڙ آهي“ 2019ع ۾ شايع ٿي چڪو آهي، جنهن تي کيس اڪيڊمي آف ليٽرز پاران انعام مليو. اشفاق آذر هن وقت ڪراچي ۾ رهائش پذير آهي
1972.05.02 عيسوي
ليکڪ، شاعر ۽ صحافي اشفاق آذر جو اصل نالو اشفاق احمد انڙ آهي. هي شڪارپور ۾ عبدالحڪيم انڙ جي گهر 2 مئي 1972ع تي ڄائو.